Chelsea for January don actually sign. • 🇫🇷 France’s best Striker ✅ • 🏴󠁧󠁢󠁥󠁮󠁧󠁿 England’s best Midfielder ✅ • 🇮🇹 Italy’s best Left Back ✅

Advertisements

Chelsea Don Sign Emerson

Chelsea don tell every every say dem don sign Emerson Palmieri Dos Santos from Roma. The 23 years old baller sign 4 and half years contract with us. According to wetin dey our website, him go wear number 33 {who remember our defender wey been wear same number?}.

Image credit: Chelseafc.com

Him say premierleague na league wey him don gbadun from when him be small pikin and e sweet am for belle, no be small, say him go play for the league. Marina Granovskaia wey take-over work from bros Emenalo as our director tok say she happy say we fit sign the player, say the player good pieces, and him go dey follow other players drag jersey; say this na good thing for the club.

Emerson neva play for Champions League at all this season so him go fit play any match wey we go like use am for.

Chelsea 4 Pidgin dey hail am from here. Na which name una reason say make we give am?

As Baba Rahman Don Go So, Chelsea Must Buy Another Left-Back This January

Chelsea don yarn for their website say Baba Rahman don go loan for Schalke 04 for Germani and na yonder go be him home till the end of next season.

Image credit: Chelseafc.com

As e be now, na only Marcos Alonso remain as our left-back. E no matter who we want play, him must play unless dem use pesin wey dat position no be him normal position for there. We fit tok say Chelsea know wetin dem dey do, maybe dem don ready to pay the money wey other club put on top their player head.

If we con look am well, una think say Chelsea suppose allow Kenedy and Baba Rahman go before dem buy replacement for dem? What if the other club do us the way Napoli do us for Khalidou Koulibaly mata? Wey dem say dem nor sell again because dem sef neva get replacement for am. Dem fit even see the way Chelsea dey ginger to bring in left-back make dem raise the money wey dem been call their player before.

We hope say everything go work out wella but any how e go be, we pozi here dey watch.

Our Ogbonge Headmaster Go Show 4 Training Today

We dey hear say Alvaro Morata, d headmaster go show face for training today after him back injury but Conte talk say him no too sure if d spanish baller go play against Bournemouth on Wednesday.

Side striker Michy Batshuayi, d batsman wey score two ogbonge goals wen we knack Newcastle apako for FA on sunday. Willian dey struggle with hamstring wahala. Oga Passion no too get attacking players wey he fit use which mean say na Batshuayi be him favourite to continue as d only striking role.

“Morata go show for training today after him don rest wella, but I no reason am say we go risk the player for the upcoming matches wey go shele” na Oga passion talk am.
Morata don score 13 goals for 23 starts and total of 31 apps for d blue dis season.