Gary Neville: ‘The Pesin Wey Reason For Chelsea To Sell Matic Nids Sacking’ 

Former Red Devil Gary Neville don hala Chelsea directors and managers ova Nemanja Matic transfa to Manchester United.

The Serbian midfielder don standa himself for Old Trafford, e don be key-man for José Mourinho side in dis first part of the season.

Matic waka from Stamford Bridge in a £ 35m move last summer but as  Neville take talk dis na big mistake:

“Wetin spoil for Chelsea? One tin. Matic,” Neville talk for BBC Five Live afta the Blues chop akpako 3-0 for Rome yestade.

“E dey as simple as dat. The minute dey sell Nemanja Matic na mistake.

“Wen you get Matic siddon in front of you, with N’Golo Kante by ur side, no shaking.  The pesin wey take dat decision nids sacking. Dat na one of the poorest decisions I don see for Premier League.

“If you ask any of dose Chelsea players who dey go like make e come back, dey go say Matic. Chelsea replace am with someone who go do the same job,Bakayokohama haba,  no be dat player, e no be holding midfield player.

“Dey no replace Matic. I for no let am out of the building, I for chain am to training ground walls.”


Alvaro Morata Don Pledge im Future To Chelsea For The Next 10 Years 

Alvaro Morata don pledge im future to Chelsea for the next 10 years as he wan quench the fear wey dey ground say he no like life for London.

‘I dey hapi with the club and the city, and with everything wey dey London,’ said Morata, who sign a five-year contract wen he come from Real Madrid in July.

‘If I make gud and improve, I fit stay here for more than five years. If Chelsea give me 10 years I go sign am, too. But I nid to score plenti goals odawise Chelsea go buy anoda player.’ 

Baba passion don yarn us about the injuries

As all of us know the injury wahala way day for our club plenty dis seezin and as we still day suffer from am awa cochi still day yarn us say d injury go tey small.

Baba passion way do hin before match talk talk don yarn about the injury and as him yarn no be everything way he yarn sweet for fans heart.
The thing way no sweet for fans heart na injury and as baba passion day talk him talk say naija bobo victor moses go still siddown for plenty weeks.

But the English lion way we buy from leicester way be danny drinkwater way play one hour for inside league cup way we follow everton play on wednesday no go start tomorrow game for Bournemouth as him never well conplete.

Our french machine n’golo kante too no day fit for tomorrow match but conte don talk say he day hope say him go come back to play roma for champions league next week

As this three players still day suffer small injure the better news na say e no go tey before all of them go well come back make them help d premier league champions.

Carabao Cup Quarterfinals: Chelsea Go Play Bournemouth 

Dem don draw Chelsea to play Bournemouth for home in the quarter-finals of the Carabao Cup.

The last eight draw put us against the side wey we go face dis weekend for Premier League, and  na the  third straight home fixture for the competition.

Dem delay the draw from the time of 4pm wey e for start due technical problems, with a pre-recorded video wey dey upload to Twitter an hour-and-three-quarters later.

We meet Bournemouth for League Cup in 1994/95, winning a second round tie 2-0 on aggregate.

Dem go play the games for the week wey start for 18 December. 

The full draw be dis:

Chelsea v Bournemouth

Arsenal v West Ham

Leicester v Manchester City

Bristol City v Manchester United

Courtois Don Yarn Say When Big Team Get Bad Rezots Pipu Dey Blame Players Say Dem No Dey Behind Coach 

Courtois don yarn say: “When big team get small bad rezots the fess thing dem dey talk be say the players no dey happy and dem no dey behind the coach.

“Against Watford una see say we fight for evri evri and we fight when we dey down, so evribodi fit see say we dey behind the coach.

“Amebo dey easy to spread. If somebody no hapi, instead make e go press dey go say am inside inside,  no be true.”

Dem Don Push 4 Chelsea Games For December Go Anoda Dates

​Dem don push four Chelsea games wey dem suppose play for December go anoda dates, na so fixtures dey:

Newcastle United for Stamford Bridge:  Saturday 2 December, kick off 12.30pm GMT

West Ham United away: Saturday 9 December,  kick off 12.30pm GMT

Huddersfield Town away: Tuesday 12 December, kick off  8pm GMT

Everton away: Saturday 23 December, kick off 12.30pm GMT

Dem go still announce the games wey remain for December and January no later than Friday 27 October.

Antonio Conte: “We Gats Have Patience Dis Season. E No Go Easy” 

Antonio Conte talk say evribodi gats pull together during dis hard period if we go get a successful season.

The Blues get chance to respond to the loss for Crystal Palace, and the one wey dey chop for Manchester City before the international break, when Roma visit west London on Wednesday evening. Conte believe say im squad get wetin it takes to get back on the right path, and shaperly.

‘We gats find the strength to overcome dis moment,’ the boss talk. ‘I know my squad and my players veri well. I get players wey get great will to work and to fight.

‘We gats dey unhappy afta the akpako, above all sef the akpako no be one but two in a row. Dis no be positive moment for many reasons. We dey play without big players and evri game we dey get new woundjury, but I trust all my players and I dey try to give evri one the opportunity to take deir chance.’

Conte con compare the current campaign to last one, and spoke about laying strong chances.

‘Evri season dey different. Last season we no play for Champions League or Europa League. Dis season we dey face four competitions. We dey small gbege to do dis becos wen you get three or four injuries you enter kasala.

‘Dis season we gats try build something wey dey important for the future, to give possibilities to new players to get more experience in dis league, and to give opportunities to the young players to show dey deserve to stay and play for Chelsea. We gats have patience dis season. E no go easy.’

Hazard: U no fit catch better form after heavy woundjure

Eden hazard don tell chelsea fans say make dem chill for am say as him injury bin bad he no fit start day perform him magic sharp sharp

Hazard bin start him first pl match of season when man city bin show stamford bridge 3 days after him go spain scatter athletico for champions league

The 26 years old man bin enjoy better intl break as him score 2 goals vs cyprus na the first time for him belgium career way he day score 2 goals but as reporters ask am whether he don go back to him mad form he talk say he no sabi

He continue day talk “we go see for end of season as i miss ball for 3 months cause of injury and e no easy to come back”

I been day workout for inside summer i just wan play better ball i go definitely play some bad games but i just wan play better ball make i  enjoy myself and make i display all wetin i sabi

Hazard return na better boost to antonio conte way don lose both kante and morata to injury.

Baba passion don carry hammer scatter yama yama talks

Baba passion aka Antonio conte don carry hammer smash all the yama yama talks way day circulate ,the talks na say he wan go back to italy as England don tire am.

But conte don talk say nothing like that day happen say na just people way no sabi translate from their italian language way him use do the interview way cause all this commotion to obodoyibo English 

For inside the interview way Radiouno do Baba bin talk say “he no think say he go tey like this for england, say italy na him house and he go return sharply”

Baba passion talk say na no be lie one day i go wan go back but my return never close , my wife and daughter day here for england so i day enjoy life here.

For him press conference him also yarn about the musonda matter way him post say he don tire with Chelsea for him instagram but conte don talk say he don yarn with musonda and the boy don learn him mistake 

PSG Wan Put Sand Sand For Chelsea Garri As Dem Line Up £90m For Ngolo Kante 

Paris Saint-Germain wan buy Ngolo Kante, Mirror dey nack dis tori. 

The Ligue 1 big boiz dey line up a £90 million waka.

The 26-year-old fit return to im home town in a deal dat wud make him the most expensive Premier League export of all time — wey pass Gareth Bale’s £86m waka to Real Madrid.

Afta dem assemble an all-star front line following moves for Kylian Mbappe and Neymar, PSG now wan give Unai Emery a general for the middle of the pitch to give dem platform to shine and dey sama oda teams.