As all of us know the injury wahala way day for our club plenty dis seezin and as we still day suffer from am awa cochi still day yarn us say d injury go tey small.
Baba passion way do hin before match talk talk don yarn about the injury and as him yarn no be everything way he yarn sweet for fans heart.
The thing way no sweet for fans heart na injury and as baba passion day talk him talk say naija bobo victor moses go still siddown for plenty weeks.
But the English lion way we buy from leicester way be danny drinkwater way play one hour for inside league cup way we follow everton play on wednesday no go start tomorrow game for Bournemouth as him never well conplete.
Our french machine n’golo kante too no day fit for tomorrow match but conte don talk say he day hope say him go come back to play roma for champions league next week
As this three players still day suffer small injure the better news na say e no go tey before all of them go well come back make them help d premier league champions.
Eden hazard don tell chelsea fans say make dem chill for am say as him injury bin bad he no fit start day perform him magic sharp sharp
Hazard bin start him first pl match of season when man city bin show stamford bridge 3 days after him go spain scatter athletico for champions league
The 26 years old man bin enjoy better intl break as him score 2 goals vs cyprus na the first time for him belgium career way he day score 2 goals but as reporters ask am whether he don go back to him mad form he talk say he no sabi
He continue day talk “we go see for end of season as i miss ball for 3 months cause of injury and e no easy to come back”
I been day workout for inside summer i just wan play better ball i go definitely play some bad games but i just wan play better ball make i enjoy myself and make i display all wetin i sabi
Hazard return na better boost to antonio conte way don lose both kante and morata to injury.
Baba passion aka Antonio conte don carry hammer smash all the yama yama talks way day circulate ,the talks na say he wan go back to italy as England don tire am.
But conte don talk say nothing like that day happen say na just people way no sabi translate from their italian language way him use do the interview way cause all this commotion to obodoyibo English
For inside the interview way Radiouno do Baba bin talk say “he no think say he go tey like this for england, say italy na him house and he go return sharply”
Baba passion talk say na no be lie one day i go wan go back but my return never close , my wife and daughter day here for england so i day enjoy life here.
For him press conference him also yarn about the musonda matter way him post say he don tire with Chelsea for him instagram but conte don talk say he don yarn with musonda and the boy don learn him mistake
After Chelsea Don nack everton akpacko and Don get better ginger dem carry that ginger go jam Leicester make dem talk about midfielder Drinkwater
Drinkwater way play beside kante for the season way Leicester carry league Na replacement for matic way join man uTD for 40m this summer, even though Leicester been day ask for 40m and Chelsea wan drop 30m the report way Comot now na say the two clubs Don finally agree for the money and the player go join before transfer window go close thursday
Chelsea skippo Gary cahill talk say chelsea no fit day lose players to injury as him don talk say we go cheat ourselves if our players no day enough for this coming season
Chelsea finish deir pre season with 3 lose in a row something way don dey worry chelsea fans the last lose na against arsenal for inside penarity for community shield
Antonio conte been even day complain about the small number of players way him get which even make am name 19 years old boy kyle scott for inside him subs against arsenal
As eden hazard and timoue bakayoko get injury and dem no fit play against burnley and antonio conte don talk say he get only 14 experienced players for him squad to face burnley
conte day struggle with creativity
after we don lose to bayern munich and inter for inside pre seezin fans don day talk say make conte change him formation as d formation no day accomodate creative players even though we day miss eden hazard we no suppose day struggle like that because of one player
Batshuayi na playa for 45 mins only
The pre seezin don show us say batshuayi fit perform for only 45 mins as he day struggle in the other part of the game as he no get that kind gas after him press inter defenders for first half the performance way he produce for inside second half no day impressive
Our wing backs don day struggle
Moses and alonso na the most important part of that chelsea formation as the formation no fit work if dem no perform this one affect us wellah as alonso ball control day very bad we day hope say chelsea go do something about the wing backs even though we don hear say chelsea want alex sandro bad bad
Make morata day play striker
As we don see for pre seezin morata for wing no be good idea as dem day foul am too much and he day make some stupid decisions the only better tin way he day do na to day give chelsea free kick dis na sign to conte say make he no day play am out of position
Our new boy from spain Alvaro morata don collect squad no. And na dat dangerous no.9 him collect
No.9 way people like torress and hasseilbank don wear for chelsea na the jersey way people day reason say get curse on top am as anybody way wear am day flop
The last person way wear am na falcao of monaco and as him wear am him experience the worst season of him career
We day wish say our young striker go throwe all this report collect the no.9 and shine for inside am.
Na chelsea day better position to land brazilian boy Richarlison, as we day see.
the 20 yrs old boy way be say daily mail don already report say him don sign for ajax day the blues wishlist and dem day plan steal am from ajax before him complete the move.
The boy way day play for u20 brazil team get £12m on top him head reports for italy day show say him don almost join premier league team as no be chelsea be the only epl team way get interest on top am tension day rise.
This boy way fit play as a winger get 7 goals to him name for inside 16 apps
Antonio conte wan add another striker before we enter new season way day come and e don day look like say na richarlison.
Even when he don carry 4 new players enter chelsea this summer antonio conte don comot talk say he never finish.
Him talk say we gas improve the squad as we day face 4 competition next seezin him say na “we get 16 players without the goalkeepers and as we wan face 4 competition we gas add more”
Chelsea day phase way we must build better foundation for seasons way day come because we no fit make mistake if we wan be successful club Conte talk say he don follow the club talk and him don tell dem wetin him want now na remain dem to do their part.
Alvaro morata way day pla for real madrid go become chelsea playa for inside small time way day come.
The 24 year old don prove himself as better front man for inside juventus way he play under conte and for real madrid currently way be say even as he no day play weekly him involvement for goal day show say him day get hand for goal every 70 minutes, na only messi day more involved.
As things day go e be like say he go sharply link up with the remaining chelsea squad for pre season for inside china way we go first play arsenal, if this deal happen e go give chelsea players better ginger as dem go see say as costa no day chelsea don replace am sharpaly with person way day very capable.