Skippo Cahill Yarn Say E Neva Chop Dis Kain Of Akpako Befor, Say E No Know Himsef Afta The Akpako

Backman Cahill, wey don win league two times in six years with the Blues, say Monday’s akpako na the club’s “lowest point of the season”.

“Dis na the worst I don feel for long time,” him tell BBC Sport.

“Performance-wise, I no know oursef or masef. The akpako dey bad.

“We jus nid to kip strong. I don tey for dis club – na to chillax now. E dey pain for bodies wella afta pesin chop dat kain akpako.”

Advertisements

Olivier Giroud Fit Save Chelsea, Conte Don Yarn

Olivier Giroud fit make him Chelsea debut from bench against Watford on Monday night, Antonio Conte don confam.

Even dou the Deadline Day signing from Arsenal neva dey match fit, Conte dey sure the striker fit shapaly come save Chelsea.

“Giroud, we jus start to work with am but we gats check him bodi, for sure e no go dey easy to see am play from the start on Monday,” Conte tell the club’s official website.

“We dey talk about an international player wey get plenti experience. A player wey dey play for the French national team and na 31 years old, so we are no dey yarn about a young player.

“I ask for dis type of player with dis characteristics and the club give me the opportunity to work with Giroud, so I dey veri happy.”

Victor Moses Don Yarn Say 2017 Na ‘A Great Year’ For Am

Victor Moses don yarn say 2017 na ‘a great year’ for am as Chelsea win English Premier League triumph and Nigeria shapaly grab 2018 World Cup qualification.

The 27-year-old wey go loan for Liverpool, Stoke City and West Ham before 2016-17 season.

But the former Wigan man con hit beta form wey change im condition – as he move go wing-back unda Antonio Conte – last season.

And he don yarn the gbege wey he face as he change go dat wing while he dey grateful to Conte for him career change at Stamford Bridge.

“E dey a bit crazy and show how far I don come,” Moses tell Daily Star.

“To turn to a wing back no dey easy. No be easy job and you nid the stamina to play there.

“The manager dey do im work on me for training ground, and e dey rilly gud. When you get someone wey dey rilly back you, e go give you confidence.

“E don be a great year for me. I don rilly enjoy am, but want to kip it going.

Despite say e miss out on the final shortlist for the African Player of the Year, behind Gabon’s Pierre-Emerick Aubameyang, Egypt’s Mohamed Salah and Senegal’s Sadio Mane, the Super Eagle dey belleful say dem nominate am.

“I gats don do well. E sweet say dem nominate me (for Caf award). I don work wella. Nigeria na the first African country wey qualify for the World Cup.

“We dey like Chelsea. We believe in ourselves. Chelsea get plenti games wey dey come up. We get a great squad, and the manager we get here, we know wetin we fit do,” im yarn.

Victor Moses don since returned from a hamstring woundjury wey keep am out for more than a month, to collect him starting shirt for Chelsea. And he don play in 14 games in all competitions dis season.

Cesar Azpilicueta Yarn Say E Pain Am Say im Fine Run of 74 Back-to-Back Games Don End

Chelsea star Cesar Azpilicueta don yarn say e pain am say im fine run of back-to-back matches wey im play don end.

The Spanish left-backman bin play 74 back-to-back games for im club, sumtin wey start way back to 2015.

But Blues boss Antonio Conte commot Azpilicueta from the starting line-up against Swansea City and the tin be like film for many supporters.

The coachee don am make Azpilicueta dey fresh against Newcastle and Atletico Madrid.

Anyway sha, the backman say dat im run of games fall inside Chelsea side wey win Premier League lass season and nain dey sweet im belle pass.

“Of course [e pain me]! I wan play every game,” Azpilicueta said with a smile afta im side 1-1 Champions League draw with Atletico Madrid.

“We be a team. The coachee dey make the decisions wey be the best for the team, and e dey important we win”

Cesar Azpilicueta Yarn Say E Pain Am Say im Fine Run of 74 Back-to-Back Games Don End

Chelsea star Cesar Azpilicueta don yarn say e pain am say im fine run of consecutive matches wey im play don end.

The Spanish left-backman bin play 74 back-to-back games for im club, sumtin wey start way back to 2015.

But Blues boss Antonio Conte commot Azpilicueta from the starting line-up against Swansea City and the tin be like film for many supporters.

The coachee don am make Azpilicueta dey fresh against Newcastle and Atletico Madrid.

Anyway sha, the backman say dat im run of games fall inside Chelsea side wey win Premier League lass season and nain dey sweet im belle pass. 

“Of course [e pain me]! I wan play every game,” Azpilicueta said with a smile afta im side 1-1 Champions League draw with Atletico Madrid.

“We be a team. The coachee dey make the decisions wey be the best for the team, and e dey important we win” 

Chelsea Goalie Thibaut Courtois No Gree Sign Contract Extension

Chelsea goalie Thibaut Courtois no gree sign contract extension with the Blues. 

The Belgian shot goalie contract go finish for  2019, and the gbege wey consign im future don attract oda clubs. 


Real Madrid and Paris Saint-Germain don bin dey price Courtois and fit wan take advantage on the current situation he get with Chelsea. 


The ​Daily Mail dey report say Chelsea don already line up some goalies wey go replace Courtois, if Courtois still no gree sign contract extension for the club.



Chelsea eyes dey for England international and Stoke City goalkeeper Jack Butland. The Blues bin monitor the young Butland while he dey for Birmingham City in 2013, but due to im no go see fess team football,  Butland no gree move to London, instead im sign for Stoke for £3.5m.

Chelsea Skippo Gary Cahill Think Say Chelsea Suppose Equalise The Game

Chelsea skippo Gary Cahill don think on im side away draw against Liverpool for Anfield dis evening, rezot wey mean say the Premier League champions remain third with 26 points.

“I think say for the second-half we suppose to equalise the game. – im tell BT Sport – Dey get time wey gud for the first half we get some for the second. Dey give us gbege no be small  and I dey sure say we give dem dia own too,”

About the redemption goal wey Willian score: “You gats ask am if na cross. We hapi no be small when the ball enta, we suppose to get the goal”.

Manchester City fit extend dia gap on Chelsea, Liverpool and Tottenham if dey beat Huddersfield for home tomoro: “If we dey for dia shoes belle for sweet us– Cahill added – But we get some gud games wey dey come up and as e be dis na hard place to come. E dey important say we no lose today.”

Premier League Giants Dey Ready To Save Luke Shaw


Luke Shaw future for Manchester United no pure at all afta plenti woundjuries pake the bobo and Jose Mourinho no gree give am chance to play on the pitch, but the Telegraph believes say Arsenal, Man City and Chelsea fit save the 22-year-old football career.

The former Southampton starlet don play just 32 Premier League matches in three-and-a-half years since wey he move go Old Trafford in a £28 million move.

United don take up the option to extend Shaw contract until 2019, dem still dey look to minimise dia loss on the player, and the Red Devils title enemies, as well as Everton, dey monitor the situation.

David Luiz Don Come Back For Training, Dey Hussle To Repair im Gbege With Conte


Chelsea backman David Luiz wey no play for the match wey Chelsea knack Manchester United 1 – 0 last weekend afta he hala the tactics Antonio Conte use for the Champions League game vs Roma and as he vex say dem commot am afta him substitution for Stamford Bridge in the first game vs the Italian team.

Now, as the Evening Standard take knack the tori, we dey undastand say gbege between David Luiz and the Blues manager start for September but now both Conte and the Brazilian backman who don come back for training at Cobham, dey work to kontinu dia padi enjoyment.

See Why Michael Emenalo Step Down 

Chelsea technical director Michael Emenalo don step down from hin post afta 10 years with the club.

The 52-year-old, wey play for Nigeria for 1994 World Cup, join Chelsea in 2007 unda Avram Grant, wey he play for at Maccabi Tel Aviv.

He don work in both scouting and coaching departments at Chelsea befor dem promoted to technical director in 2011.

Dem don link Emenalo, wey play for Notts County in the 1990s and in the first MLS game, with a role at Monaco.

During hin time at Stamford Bridge, Chelsea win the Champions League in 2012, plus three Premier League titles, three FA Cups, the League Cup and Europa League.

Emenalo talk say: “Dis na veri difficult decision to make, but one I believe say wey right for both myself and my family, and the club.

“I bin get privilege to work side by side with some of the most talented people in the world of sport over the past 10 years, and I go depart incredibly proud of the achievements we don make.”

Chelsea boss Antonio Conte talk say: “I dey veri sorry to see Michael leave Chelsea, and I go like thank am for all hin help and support since I come dis club.”

Chelsea chairman Bruce Buck talk say: “Na with regret dat the owner and board of directors accept Michael’s resignation dis week. We dey sowie to see am go but undastand hin desire to move on and explore new challenges.”

Dan Levene dey yarn say Michael Emenalo still get mouth for Chelsea especially who go take ova hin position and he don suggest Neil Bath.