Chelsea don dey para say the weight wey Diego Costa don gain during hin long summa holiday for Brazil fit reduce im transfa value.
The Spain striker don collect permission make im no come training again since say dem don tell am say he fit leave and im wan fight the club for court, with im lawyer, Ricardo Cardoso, last week dey threatening say im go tidy the mata for court and make sure Costa transfa go Atletico Madrid.
As things dey go now, Chelsea dey fear say Costa’s party lifestyle for Brazil go make am hard to sell, or fit reduce im value. As both Chelsea and Costa no dey too communicate now, the club dey monitor Costa Instagram account, where im dey post pinshures of im parole, as he dey do jet-skiing with im dog, dey relax for beach and dey party in an Atletico shirt, dem dey luk for signs dat he don put on weight. Costa get history of returning for the new season out of shape and Chelsea dey para say if im too fat Atletico go base on am come bid small money for Costa.
Atletico no wan meet Chelsea £35 million valuation and the striker don talk say he no go join anoda team if no be Atletico. The 28-year-old no fit play for the Spanish club until January becos of deir transfa ban, but if he come back no fit, dis one go make am hard to send am go loan for the first half of the season.